Ministrja e Shëndetësisë dhe Mbrojtjes Sociale, Ogerta Manastirliu, ka parë nga afër laboratorin e ri të testimeve, pjesë e planit të vjeshtë-dimrit për rritjen e kapaciteteve, i cili do të jetë në mbështetje të laboratorit qendror të Institutit të Shëndetit Publik.
Nga laboratori i ri, Ministrja e Shëndetësisë foli edhe për testimin e shpejtë.
“Testimi shpejtë është një tjetër element që do t’i shtohet strategjisë së testimeve. Jemi në procedura për ti patur në një kohë sa më të shpejtë. Edhe ky testim do të jetë edhe një tjetër avantazh në luftën me këtë virus”, tha Manstirliu.
Ministrja ka bërë një apel për qytetarët duke u bërë thirrje pë të respektuar masat e vendosura.
“E gjithë lufta bëhet në terren bëhet për të kufizuar sa më shumë këtë virus që ai mos të përhapet dhe sistemi shëndetësor të mos mbingarkohet, ndaj ne do të vijojmë të forcojmë dhe rrisim kapacitetet tona dhe nga ana tjetër i lutemi dhe i kërkojmë qytetarëve të bashkëpunojne ashtu si kanë bashkëpunaur deri tani”, apeloi Manastirliu./Bw
Statusi i Ogerta Manastirliu:
Në laboratorin modern të testimeve, investim i qeverisë shqiptare për rritjen e kapaciteteve aktuale, për të siguruar një përgjigje më të mirë për përballimin e situatës së epidemisë #covid19.
