Kryeministri Edi Rama ka reaguar për çështjen e satelitëve që premtoi dhe janë vonuar edhe pse ka kaluar muaji mars dhe po ikën edhe muaji prill.
Në një postim në Twitter, kryeministri shkruan se “unë them atë që bëj e bëj atë që them dhe kur vonesat s’janë në dorën time thjesht bëj durim, po zotimit s’i ndahem jo!”
Reagimi i Ramës vjen pas shkrimit të Gazeta Shqiptare, të cilën mund ta lexoni të plotë këtu: Marsi iku, po del dhe prilli/ Asnjë gjurmë nga satelitët që premtoi Rama. A i detyrohet kryeministri publikut një sqarim?
Të paktën në 3 dalje publike gjatë tetorit të kaluar, kryeministri Edi Rama deklaroi se Shqipëria do të lëshonte dy satelitë në orbitë, “Albania 1” dhe “Albania 2”. Sipas tij, kjo do të realizohej brenda marsit 2022.
POSTIMI I PLOTE I KRYEMINISTRIT RAMA
Padurim të madh paskan pasur disa për satelitët e sipas modës së re thonë ç’të duan pa pyetur fare more si është puna! Po një gjë cuditem si nuk duan ta kuptojnë:
Unë them atë që bëj e bëj atë që them dhe kur vonesat s’janë në dorën time thjesht bëj durim, po zotimit s’i ndahem jo!
