Qeveria e Edi Ramës ka miratuar hartën e re gjyqësore. Në një komunikim për mediat, ministri i Drejtësisë Ulsi Manja u shpreh se ky është një hap i rëndësishëm i Reformës në Drejtësi.
Ai theksoi se është produkt i një pune tre vjeçare të Këshillit të Lartë Gjyqësor.
Por kjo hartë e re shkrin 18 gjykata të shkallës së parë mes tyre edhe Gjyakatën e Kavajës duke larguar shërbimet nga dhjetra qytete.
“Sot është miratuar harta e re gjyqësore. Ky është një hap i rëndësishme i Reformës në Drejtësisë. Është produkt i një punë të shkëlqyer tre vjeçare të Këshillit të lartë Gjyqësor. Në Gjykatat që do të mbyllen nuk do cënohet asnjë shërbim gjyqësor. Implementi i hartës do të bëhet me faza. Harta e re do të standardizojë kohën e mesatares së dhënë të një vendimi , do të ulë kostot e dhënies së drejtësisë. Këtë fazë tranzitore do ta shfrytëzojmë për ndërgjegjësim dhe përfshirje të qytetarëve”, tha Manja.
