Një ngjarje e rëndë ka ndodhur sonte në rajonin e Dukagjinit ku persona të maskuar kanë qëlluar me armë zjarri në drejtim të autobusit me nxënës që po shkonte në fshatin Gllogjan nga Komuna e Deçanit.
Sipas informacioneve në këtë autobus si pasojë e të shtënave tre persona kanë vdekur, shoferi i automjetit dhe dy nxënës, një vajzë dhe një djalë. Kryetari i Deçanit Bashkim Ramosaj tha se autobusi po transportonte nxënësit nga Gjakova për në Deçan.
Viktimat nxënës dyshohet se janë të shkollës së mesme, Gentiana Mustafaj 17-vjeçare dhe Ledion Hamzai 18-vjeçar.
Ndërsa të plagosur kanë mbetur gjashtë nxënës, tre prej tyre në gjendje të rëndë dhe tre pak më lehtë.
