Kavaja ka shënuar sot numrin më të madh të infektuarve me koronavirus brenda 24 orëve.
Ministria e Shëndetësisë ka raportuar sot se në Kavajë janë infektuar me Covid19 30 qytetarë.
Muaji nëntor ka shënuar shifra rekord të infektimeve në qytetin tonë ndërsa nuk kanë munguar edhe ndarjet nga jeta të bashkëqytetarëve tanë.
Aktualisht numri i personave të infektuar rezulton të jetë në mbi 150.
Në 24 orët e fundit, në vendin tonë janë kryer 2241 testime, prej të cilave 155 janë testime janë kryer për arsye depistimi.
Kanë rezultuar pozitivë me virusin SARS COV2, 602 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:
249 raste në Tiranë, 47 raste në Gjirokastër, 38 raste në Lushnje,
30 raste në Fier, Korçë, Kavajë, 27 raste në Vlorë, 24 raste në Berat,
20 raste në Elbasan dhe Librazhd, 18 raste në Kukës, 16 raste në Përmet,
12 raste në Lezhë, 7 raste në Pukë dhe Kuçovë, 6 raste në Devoll, Mat, Dibër,
3 raste në Sarandë, 2 raste në Pogradec, 1 rast në Krujë, Tropojë, Bulqizë, Kolonjë.
Në 24 orët e fundit janë shëruar 564 qytetarë të cilët kanë plotësuar karantinimin 14 ditor, sipas të dhënave të Operatorit Qendror të Kujdesit Shëndetësor. 13.453 qytetarë e kanë fituar betejën me virusin që nga fillimi i epidemisë.
Aktualisht në 3 spitalet COVID, po trajtohen 406 pacientë, 14 në terapi intensive, nga të cilët 3 të intubuar.
Me gjithë përpjekjet e mjekëve, në 24 orët e fundit, kanë humbur jetën 8 qytetarë me Sars-Cov2 pozitiv në spitalet COVID: një 48 vjeçare, një 71 vjeçar, 74 vjeçar, një 85 vjeçar nga Tirana, një 60 vjeçar nga Mirdita, një 60 vjeçar nga Kurbini, një 63 vjeçar nga Gramshi, një 71 vjeçar nga Durrësi.
Ministria e Shëndetësisë dhe Mbrojtjes Sociale i drejtohet të gjithë qytetarëve që janë të konfirmuar ose në pritje të përgjigjes së testit, të qëndrojne të izoluar, duke respektuar detyrimin e vetekarantinimit. Për çdo shenjë të sëmundjes duhet të kontaktoni mjekun tuaj të familjes.
