Cagliari ka fituar përballë Cremoneses në sfidën e vlefshme për fazën e 1/16-ve të Kupës së Italisë. Kjo ndeshje përfundoi 1-0 në favor të Cagliarit, të cilët eliminojnë kështu Cremonesen.
Titullar në këtë sfidë për Cagliarin ishte portieri i Kombëtares shqiptare, Alen Sherri. Ky i fundit ia doli që ta mbante portën e paprekur dhe duke shkëlqyer në ato pak raste të krijuara nga kundërshtarët.
Për këtë performancë mjaft pozitive, Sherri është shpallur “Lojtari i Ndeshjes” nga SofaScore. Nota e portierit të Kombëtares shqiptare është më e larta. Me notën 7.9 është vlerësuar Sherri për paraqitjen e sotme në Kupën e Italisë.
