23-vjeçari shqiptar Atilio Drekai i cili u godit me shkopa bejzbolli në Itali ka ndërruar jetë në spital.
Mjekët kanë verifikuar vdekjen e trurit dhe ai është shkëputur nga pajisja që e mbante gjallë. Ndërkohë edhe miku i tij italian, Pier Francesco Ferrari është në gjendje të rëndë.
Dy të dhunuarit u kapën në pritë nga një grup prej 4-5 vetash në një parking në Mottella, teksa i kishte telefonuar një i njohuri i tyre për ti caktuar vendin e takimit.
Dyshohet se shqiptari dhe italiani kanë pasur një mosmarrëveshje me grupin që patën konfliktin për shkak të tregtisë së drogës. Kjo është pista ku po hetojnë autoritetet italiane deri më tani.
