Myrto Uzuni ishte titullar sot në sfidën që Granada luajti përballë Tenerifes dhe ka shpërthyer me dy gola në 13 minuta. Trajneri i ka besuar kështu vendin në formacion sapo kaloi dëmtimin muskulor, ndërsa sulmuesi i Kombëtares tundi rrjetën në minutën e 20-të fillimisht dhe më pas në minutën e 33-të.
Të gjithë duartrokitën golat e 29-vjeçarit, ndërsa sfida luhet në shtëpi për ekipin e Granadës.
Uzuni ndërkohë nuk ishte pjesë e Kombëtares shqiptare për sfidat e tetorit. Sulmuesi mungoi për Silvinjon, ndërsa po kalonte fazën e fundit të rikuperimit.
Sfida u mbyll me fitoren 4-0 të Granadas, që bëri kështu një hap të rëndësishëm duke iu bashkuar ekipeve që luftojnë për ngjitjen në La Liga.
Goli i Myrto Uzunit: (VIDEO)
Goli i dytë i Myrto Uzunit: (VIDEO)
