Dhunohet avokati i ish-kryeministrit Sali Berisha, goditet me levë në kokë dhe trup

Avokati i ish kryeministrit Sali Berisha , Sokol Mëngjesi, është bërë sot subjekt i dhunës, duke u goditur me levë nga persona të paidentifikuar.

Ngjarja ka ndodhur në zonën e ish Bllokut.

Policia e Tiranës tregon detajet rreth dhunimit të avokatit të ish-kryeministrit Sali Berisha, Sokol Mëngjësi. Sipas bluve, ngjarja ndodhi rreth orës 08:50, në zonën e ish-Bllokut në Tiranë. Persona ende të paidentifikuar kanë goditur avokatin, duke i shkaktuar dëmtime.

Për pasojë ai është transportuar në spital, ndërsa gjendja e tij shëndetësore është e stabilizuar.

3 veta dyshohet të kenë marrë pjesë në sulmin ndaj Mëngjesit. Policia ka sekuestruar kamerat e sigurisë për identifikimin e autorëve për të identifikuar autorët të cilët dyshohet se janë tre persona.

“Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat. I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve. Gjendja e tij shëndetësore është e stabilizuar. Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.”, sqaron policia.

Dyshohet se dhuna ndaj avokatit ka pasur shkak konfliktin për arsye pronësie.

Gjendja e tij shëndetësore është e stabilizuar.

Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.

Tre autorët, të cilët ende nuk janë identifikuar i kanë zënë pritë Mëngjesit pranë një kopshti, ku avokati kishte dërguar të birin dhe e kanë goditur me grushte e sende të forta në fytyrë dhe trup.

Mësohet se ai ka fraktura në kokë dhe dertime në trup, por për momentin është në urgjencë në gjendje të stabilizuar.