Policia e Vlorës ka reaguar pas fotos që qarkulloi në rrjetet sociale ku shfaqeshin një dy efektivë duke puthur me njëri-tjetrin në automjetin e policisë.
Sipas policisë së Vlorë dy punonjësit e policisë janë pezulluar menjëherë nga detyra. Ndaj inspektorit me iniciale F.XH dhe inspektore V.CC me detyrë punonjës të Patrullës së Përgjithshme të Komisariatit të Policisë Vlorë ka nisur edhe ecuria disiplinore.
Reagim i Drejtorisë Vendore të Policisë Vlorë
Pas publikimit në rrjetet sociale, të një fotoje në të cilën shfaqen dy punonjës policie, në automjetin e shërbimit, duke shkelur Kodin e Etikës dhe Rregulloren e Policisë së Shtetit, Drejtori i Drejtorisë Vendore të Policisë Vlorë ka pezulluar menjëherë nga detyra inspektor F. Xh. dhe inspektore V. Ç., me detyrë punonjës të Patrullës së Përgjithshme të Komisariatit të Policisë Vlorë. Njëkohësisht, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur ecurinë disiplinore ndaj punonjësve të Policisë, për shkelje të rëndë.
Drejtoria Vendore e Policisë Vlorë falënderon mediat dhe qytetarët që denoncojnë raste të abuzimit me detyrën apo sjellje të pahijshme të punonjësve të Policisë dhe i inkurajon që të vijojnë të denoncojnë çdo rast abuziv që mund të kryejnë punonjësit e Policisë.
