Zgjedhjet për kreun e Partisë Demokratike do të mbahen me datë 22 Maj.
Njoftimi u bë nga Belind Këlliçi gjatë punimeve të Kuvendit Kombëtar të Partisë Demokratike.
Deri në këtë datë, organi drejtues i Partisë Demokratike do të jetë Komisioni i Rithemelimit.
VENDIM
Në mbështetje të neneve 42, 43, 46 dhe 64 të Statutit të Partisë Demokratike të Shqipërisë, miratuar në datën 11.12.2021, me propozimin e Komisionit të Rithemelimit si dhe të një grupi deputetësh të PDSH, Kuvendi Kombëtar i Partisë Demokratike,
VENDOSI
- Përcaktimin e datës 22 Maj 2022 si dita kur do të zhvillohen zgjedhjet për kryetarin e Partisë Demokratike të Shqipërisë.
- Procesi zgjedhor do të zhvillohet njëkohësisht në të gjitha degët e Partisë Demokratike.
- Ngarkohen Komisioni i Përkohshëm i Rithemelimit dhe Komisioni i organizimit dhe kontrollit të operacioneve elektorale për organizimin, mbikëqyrjen dhe certifikimin e këtij procesi zgjedhor.
Ky vendim hyn në fuqi menjëherë
Komisioni i Drejtimit të Punimeve të Kuvendit
