Deputeti i PD, Ervin Salianji përmes një postimi në rrjetet sociale ka ndarë pamje nga Golemi, në koncertin e mbajtur nga Bashkia e Kavajës për çeljen zyrtare të sezonit turistik.
Ai u shpreh se përmes panairit, festës dhe promovimit të sipërmarrjeve të zonës u bë një nisje e mbarë në zonën më të frekuentuar të Adriatikut.
Salianji shtoi se Kavaja është atraksion më vete edhe si bashki model e drejtuar nga Fisnik Qosja.
”Kavaja mirëpret turistë në çdo ditë të vitit! Nga Golemi, Bashkia Kavajë çeli dhe zyrtarisht sezonin turistik.
E nisen mbarë, me më shumë kujdes dhe promovim tek zona më e frekuentuar e Adriatikut!
Panair, festë, dhe promovim i sipërmarrjeve të zonës ishte ana e dukshme e 24/24 orëve punë për mirëmbajtje, kujdes dhe shërbime tek qytetarët!
Këtë vit u nis mbarë!
Kavaja është atraksion më vete edhe si bashki model e drejtuar nga Fisnik Qosja”, shkroi ai.
