Avokat Arian Andoni denoncon: Polici më vendosi gjobë por nuk pranoi ta firmosë. Mesazh Ministrit të Brendshëm
Avokati i njohur në Kavajë Arian Andoni ka denoncuar sot me zë dhe figurë aktin shkeljes së detyrës nga Punonjësit e Policisë rrugore në qytet.
Në denoncimin e tij publik, drejtuar edhe Ministrit të Brendshëm Bledi Çuçi, Avokat Andoni pretendon se efektivi i ka vendosur gjobë makinës së tij duke shënuar “mosprezencë” të drejtuesit të mjetit ndërkohë që Ai jo vetëm ishte prezent po i kërkon ta firmosë.
Në fletën e gjobës dhe videot e publikuara nga Andoni, që Kavaja.Net i disponon shihet se polici largohet nga mjeti pas vënies së gjobës dhe nuk pranon që ai ta firmosë.
Denoncimi publik i Avokat Arian Andoni:
DENONCIM QYTETAR
Drejtuar, Ministrit te Brendshem!
Drejtuar,oganeve ligjzbatuese !
Drejtuar, opinionit qytetar, te qytetit tone.
Dua te denoncoj, policin e qarkullimit rrugor te qytetit te Kavajes, B.Goduni, per vendosjen e nje gjobe (qe do jua tregoj me foto).
Polici ne fjale, ka shperdoruar detyren dhe ka fallsifikuar ne kete akt administrativ te kryer prej tij.
Une isha i pranishem ne vendosjen e gjobes.
Madje duke ia deklaruar policit, qe je duke u filmuar,prandaj me jep fleten e gjobes qe ta firmos. Ndersa ai me propotence nuk pranoi, duke e shenuar fleten e gjobes, qe une nuk isha i pranishem.
Shikoni me poshte te nderuar, shkeljen dhe fallsifikimin e ketij polici.
