Kryetari i grupit parlamentar të PD-së, Enkelejd Alibeaj ka ripërsëritur qëndrimin se Sali Berisha nuk eshte pjesë e grupit të Partisë Demokratike.
Ne nje konference me gazetaret, Alibeaj tha se te gjithe deputetet dhe kryetaret ne detyre te degeve te PD, kane shqetesimin se procesi qe po zhvillohet nga Komisioni i Rithemelimit ne baze, eshte i njeanshem dhe percares.
“Për të qenë transparent, ka pasur edhe propozime shtesë të disa kolegëve, por procedura e ndjekur e konsultimit dhe hartimit të një qëndrimi që gëzonte mbështetjen më të gjerë, ishte që nëse një apo disa kolegë të tjerë nuk ishin dakord, atëherë propozimi shtesë mbi atë të mësipërmin, nuk mund të përfshihej.
Për ilustrim:
a) kolegët Agron Gjekmarkaj, Ferdinand Xhaferraj, etj., kishin propozim shtesë që në qëndrim të specifikohej se Sali Berisha dhe Lulzim Basha nuk mund të kandidojnë për pozicionin e kryetarit të Partisë.
b) Kolegët Alfred Rushaj, Fatjon Veizaj, etj. kishin disa komente që kishin të bënin me përcaktimin e kritereve të qarta për zgjedhjen e kryetarit të partisë apo komente të tjera shtesë.
c) Kishte edhe disa kolegë që kërkonin që të specifikohej që Sali Berisha nuk mund të jetë pjesë e grupit parlamentar, apo dy kolegë të tjerë që kërkonin të specifikohej që Sali Berisha duhet të kthehej në Grupin Parlamentar.
Pyetje: Ju jeni kundër përjashtimeve që po bëhen në procesin e njëanshëm në bazë, por pse jeni pro përjashtimeve kur bëhet fjalë për rastin e Sali Berishës?
Enkelejd Alibeaj: Jo unë por të gjithë deputetët por dhe kryetarët në detyrë të degëve të PD kanë këtë shqetësim, që është proces i njëanshëm e përjashtues në bazë.
Është shqetësim i tyre i sjellë në kolegjin e kryetarëve dhe grupin parlamentar.
Nuk është e njëjta gjë si doni të bëni krahasimin me zotin Berisha.
Ju thashë zoti Berisha nuk është anëtar i grupit parlamentar në momentin kur është konstituuar grupi parlamentar i PD në legjislaturën që zhvillon parlamenti.
Për çdo kërkesë, çështje e propozim, grupi parlamentar ka të drejtën e tij sipas procedurave përkatëse bazuar në statut e rregullore, të shprehet me votë, standarti është i njëjtë.
