Premier Liga dhuroi spekatakël të vërtetë në ndeshjet e para të javës së saj të katër, me 5 sfidat e orës 16:00 që sollën plot 21 gola të shënuar.
Ajo që ra në sy ishte fitorja historike e Liverpulit, e cila triumfoi 9-0 në “Anfield” përballë Bërnmuthit. Kjo fitore sjell dhe njëherë favorit për titull skuadrën e Klop, e cila bëri një start mjaft të keq, me dy pikë në 3 javët e para.
Mançester Siti harroi barazimin me Njukasëllin në javën e kaluar dhe duke mundur në shtëpi Kristal Palas me përmbysje, ku protagonist ishte Erling Haland me një triplet të realizuar.
Te fitorja gjithashtu u kthye edhe Çelsi, që mundi në shtëpi mes vuajtjesh Leistërin me rezultatin 2-1. Për Brojën, i cili sapo u rikthye nga dëmtimi nuk pati asnjë minutë në fushë.
Brentfordi i Thomas Strakoshës, barazoi 1-1 në shtëpi përballë Evertonit, por gardiani shqiptar sërish nuk debutoi në Premier Ligë.
Sfida e fundit u fitua nga Brajtoni, që në shtëpi mundi Lidsin.
REZULTATET:
ÇELSI 2-1 LEISTER
Sterling 47′, 63′ / Barsn 66′
LIVERPUL 9-0 BËRNMUTH
Diaz 3′, 85′, Eliot 7′, Aleksandër-Arnold 29′, Firmino 31′, 63′, Van Dajk 45+1′, Mefam (A.G) 47′, Karvajo 81′
MANÇESTER SITI 4-2 KRISTAL PALAS
Silva 53′ , Haland 62′, 70′, 81’/ Stons (A.G) 4′, Andersen 22′
BRENTFORD 1-1 EVERTON
Zhanelt 85′ / Gordon 24′
BRAJTON 1-0 LIDS
Gros 66′
