Të tjera detaje dalin në dritë në lidhje me 38-vjeçarin që u gjet i pajetë në makinë, ndërsa thuhet se është vetëvrarë me armë zjarri.
Betim Kastrati i cili u gjet i pajetë në aksin Fier-Lushnjë, punonte si shofer i drejtorit të Portit të Durrësit, Pirro Vengu.
Mësohet se ai u gjet në mjetin tip Volvo me targë AB 550 AI, makinë e Portit të Durrësit, ndërsa sipas policisë, dyshohet se viktima vuante nga depresioni. Lajmi i vetëvrasjes është konfirmuar edhe nga Autoriteti Portual i Durrësit, për gazetaren Haxhiaj, ndërsa varrimi do të bëhet në orën 14:00. Babai i dy fëmijëve jetonte në Kamzë. Ndërkohë policia vijon hetimet për dokumentimin e ngjarjes.
