Kryeministri Edi Rama ka inspektuar sot nga afër punimet në lotin e dytë të rrugës së Lumit të Vlorës në fshatin Brataj, që do të jetë në aks që do të lidhë dhe me Himarën.
Teksa u njoh nga afër me projektin në fjalë, kreu i qeverisë iu dha dhe një mesazh të qartë vlonjatëve, ndërsa shtoi se ata janë të vetmit që nuk duhet të hapin gojën.
Sipas Ramës, ato çka ai ka thënë, i ka mbajtur. Ndër të tjera kreu i qeverisë u ndal dhe tek projekti i rrugës për zonën e Selenicës, ndërsa shigjetoi banorët e saj se nuk duhet të besojnë përrallat e Lulzim Bashës.
“Këto dy akse, aksi që lidh Tepelenën me detin dhe aksi që lidh Labërinë, duke bërë të mundur të përshkohet rruga nga Vlora, deri në bregdet, nga ana tjetër në Himarë, me një udhëtim panoramik, mes luginës dhe fushave, është spektakël. Kjo do nxisin argotizmin në këtë zonë. Sepse është afër detit. Patjetër që do të nisin prodhimin se do të lidhet më shpejt bazën prodhuese me tregun. Spektakël. Kur kemi ardhur herën e parë këtu, shkuam në Brataj dhe më pas bllokim 3 ditë nga mesi. Atëherë e kemi bërë 1 orë e 30 apo dhe 2 orë. Ata të Selenicës sqaroi mirë. Mos të më bëjnë mua mesazhe ata. Se nëse ka një komunitet që s’ka fare gojë të vërë ne diskutim që unë ça them e bëj, është ky komunitet këtu.
Në gjithë bashkinë Vlorë s’ka gojë të flasë njeri; ‘jo po na thatë, jo s’na thatë’. Rialokimi i fondit ka qenë për arsye të logjikës së buxhetit, pasi nuk ishim në fazën për ta filluar atë. Se kjo s’do të thotë se ne s’do e bëjmë atë. Se dhe po mos të duan ata, ne do e bëjmë, (Rrugën). Është skandal që ata të besojnë Lekso dhe Lulin. Shkon Leskua dhe Luli iu tregon përralla, dhe ata i besojnë. Po ça janë ata?! Ata s’janë vetëm për të kënduar këngët e historisë. Ata, këta, këto, andej, këndej. Se kishin parë se do të ndodhte kjo gjë. Të shohin dhe të presin. Ma ka thënë bukur dikush dhe se harroj; “Ka një arsye se pse emri ‘Durim’ nuk ekziston në gjithë zonën e Labërisë”. Ke dëgjuar ndonjë emër Durim nga Vlora?! Vetëm këtu i vihet emri ‘Tërmet’ fëmijës. (qeshin të pranishmit).”, tha Rama.
