Kavaja është kthyer në një nga qytetet më të prekura me Covid19 në raport me numrin e popullsisë.
Nga të dhënat e publikuara nga MSH vetëm gjatë 24 orëve të fundit në qytet si pasojë e Covid19 kanë humbur jetë 2 persona ndërsa janë konfirmuar edhe 9 raste të reja me koronavirus.
Në total vetëm gjatë kësaj jave në Kavajë kanë humbur jetën 4 persona me Covid19 ndërsa numri i personave të infektuar ka arritur në mbi 130 persona gjithsej.
Mes të prekurve me koronavirus janë edhe mjekë, infermierë mësues dhe qytetarë të thjeshtë.
Stafi i Kavaja.Net i shpreh ngushëllimet më të sinqerta familjarëve për ndarjen nga jeta e të afërmve të tyre dhe shërim sa më të shpejtë të infektuarve./Kavaja.Net
