Zbardhen identitetet e plota të viktimës dhe autorit të krimit të rëndë sot në Kuçovë, ku një 44-vjeçar vrau me armë zjarri një 41-vjeçar. Ngjarja ndodhi mëngjesin e sotëm në oborrin e një lokali në liqenin e fshatit Goraj.
Gazetarja Eneida Petova raporton për ‘BalkanWeb’ se viktima është identifikuar me emrin Ajet Guneli, ndërsa autori i dyshuar është Vangjel Polovina.
Sipas policisë, viktima i kishte dhënë me qira një stallë derrash autorit të dyshuar, ndërsa për këtë fakt dhe kishin pasur konflikte, duke çuar në krimin e rëndë. Sipas bluve, autori pretendon se kishte mosmarrëveshje të vazhdueshme me viktimën pasi pretendonte se qiramarrësi e shante dhe ofendonte përditë.
