Një ngjarje e rëndë është shënuar në Fier.
Një makinë tip “Ford” ka dalë nga një rrugë në Carkan, ku si pasojë ka humbur jetën drejtuesi i saj.
Policia dhe zjarrfikëset janë drejtuar për në vendin e ngjarjes, ndërsa identifikimi i viktimës ende nuk është bërë i ditur.
Njoftimi i Policisë:
Fier
Informacion paraprak
Sot rreth orës 16:50, një shtetas ende i paidentifikuar, duke drejtuar automjetin tip “Ford”, në aksin rrugor Cakran-Fier, ka humbur kontrollin duke ka dalë nga rruga dhe për pasojë ka humbur jetën.
Në vendngjarje ndodhen shërbimet e policisë rrugore dhe po kryhen veprimet hetimore për zbardhjen e rrethanave të daljes nga rruga dhe identifikimin e viktimës.
