Kreu i Grupit Parlamentar të PS-së Taulant Balla tha se mazhoranca do të votojë kundër ngritjes së komisionit hetimor për çështjen “Becchetti” sepse bie ndesh me interesat e Shqipërisë.
Ai tha se janë pranë gjetjes së formulimit për dy komisionet e tjera, për “Inceneratorët” dhe “25 prillin”, duke shtuar se duhet të prevalojë prezumimi i pafajsisë në objekt.
“Lidhur me ngritjen e komisioneve hetimore, dua tju bëj me dije se nga PD kanë ardhur 3 kërkesa. Njëra prej kërkesave bie në kundërshtim me vendimin e gjykatës Kushtetuese. Është e vërtetë që pakica ka të drejtë të ngrihet një komision hetimor, por kur kërkesa bie në kundërshtim me kushtetutën… Unë besoj që bie në kundërshtim me interesat e Shqipërisë. Shpresoj që PD të kuptojë që në këtë fazë të arbitrazhit, interesi që duhet të prevalojë është interesi i Shqipërisë. Ky ka qenë edhe sugjerimi i Avokatit të Shtetit, dhe ne mund ta ngremë këtë çështje në një moment të dytë.
Do mbaj qëndrimin e plotë të mazhorancës në seancë lidhur me këtë çështje. Investimi i Kuvendit të Shqipërisë mund të vendose të pikëpyetje ecurinë e procesit. Procesi gjyqësor i arbtirazhit ka qenë një proces konfidencial. Mund ta dëmtonte palën, në këtë rast Shqipëria. Jemi njoftuar që ka një proces edhe në Gjykatën Evropianë të të Drejtave të Njeriut, që ka kërkuar që informacioni për këtë çështje të jetë konfidencial. Në dy komisionet e tjera mjafton të ketë disponibilitet nga Grupi I PD, dhe jemi pranë gjetjes së një formulimi, që në radhë të parë duhet të respektojë prezumimin e pafajësisë. Nëse PD pretendon se ka pasur masakër zgjedhore, këtë nuk mund ta pranojë edhe unë. Duhet të shkojmë drejt një formulimi që bazohet te prezumimi i pafajësisë dhe shton “pretendimet”. Por duhet të prevalojë parimi i pafajësisë dhe të hetohen pretendimet”, tha Balla.
Kreu i grupit parlamentar të PS-së Taulant Balla tha se Rezana Konomi (Perolla) është kandidatura që ka marrë shumicën e votave nga Partia Socialiste për t’u zgjedhur si anëtare e Autoritetit të Konkurrences.
Në një deklaratë për mediat, Balla shpjegoi edhe arsyen pse emri i Konomit ka marrë pëlqimin e shumicës së deputetëve të grupit parlamentar socialist.
Ndërsa tha se ka pasur mes tyre edhe deputetë socialistë që kanë votuar kundër kësaj kandidature të propozuar nga kreu i Shtetit, Ilir Meta.
“Grupi Parlamentar ka votuar me shumicë. Kujtoj që ka pasur edhe votë kundër. Natyrshëm ka edhe votime alternative. Nuk di cili do jetë qëndrimi i pakicës parlamentare, që kjo kandidaturë e propozuar nga presidenti të marri detyrën”, tha Balla.
Kujtojmë që Komisioni i Ekonomisë ka shqyrtuar Dekretin e Presidentit Ilir Meta “Per propozimin e kandidaturave per zgjedhje nga Kuvendi i Republikes se Shqiperise te anetarit te Komisionit te Konkurrences”.
Kandidatura e pare është ajo e Prof. Asoc. Dr. Eltjon Halimi dhe kandidatura alternative ajo e Prof. Asoc. Dr. Rezana Konomi (Perolla).
Deklarata e plotë e Ballës
Z. Shalsi ka bërë një propozim për kandidaturën e dytë, e cila sipas vlerësimit të kryetarit tonë të Ekonomisë plotësonte kushtet, edhe për shkak të arsimimit, edhe për shkak të eksperiencave të mëparshme.
Sepse kandidatura tjetër nuk vinte nga fusha e jurisprudencës apo ekonomisë, edhe në aspektin formal zonja i plotësonte vlerësimet.
Grupi Parlamentar ka votuar me shumicë. Kujtoj që ka pasur edhe votë kundër.
Natyrshëm ka edhe votime alternative. Nuk di cili do jetë qëndrimi i pakicës parlamentare, që kjo kandidaturë e propozuar nga presidenti të marri detyrën.
