Shqipëria arriti të merrte një barazim në frymën e fundit përballë Kroacisë duke e ndalur me rezultatin 2-2. Një dramë e vërtetë ato 20 minuta të fundit të ndeshjes me kroatët që përmbysën golin e Qazim Laçit e më pas Gjasula riktheu baraspeshën në minutën e 95’. Pas përfundimit të ndeshjes, njeriu protagonist, Klaus Gjasula dha prononcimin e tij për KLAN TV.
“Shumë vështirë minutat e para kur hyra. Disa situata ku nuk bëra mirë.
Zoti deshi të më jepte këtë shans për golin dhe një ditë shumë shumë e bukur për mua. 60 minutat e para ishim ekipi më i mirë në fushë, pastaj ramë disi në lojë. Nëse do të ishim më të qetë do ta mbyllnim 3-2.
Do luajmë ndaj Spanjës? Normal që do luajmë”, tha Gjasula.
Gjasula theu rekord në një Europian, pasi bëhet lojtari i parë zëvendësues që shënon një autogol dhe një gol, duke u kthyer nga “djall” në “ëngjëll”.
