Ish-kryeministri Sali Berisha është filmuar sot gjatë protestës duke u dhënë direktiva protestuesve, me qëllim që ata të sulmojnë selinë e Partisë Demokratike.
Në videon e siguruar nga “Panorama.al” duket qartë, kur Berisha i drejtohet me dorë protestuesve që të afrohen më pranë selisë dhe më pas të sulmojnë.
Kujtojmë që sot për disa orë me radhë mbështetës të Sali Berishës organizuan një protestë para selisë së PD, me qëllim marrjen e saj.
Edhe pse Berisha thotë se ajo ishte një protestë paqësore, pamjet tregojnë të kundërtën pasi është dhunuar selia dhe zyrat saj.
Në lidhje me protestën, policia ka shoqëruar disa persona, ndërsa janë kryer të gjithë veprimet procedurale nga ana e prokurorisë.
Dhunën në protestën e sotme e kanë dënuar përfaqësues të lartë të Bashkimit Europian, ambasada e SHBA. Ndersa Basha në një konferencë për shtyp teksa e konsideroi Berishen kancerin e PD-se, theksoi se sot është ndarë përfundimisht nga Sali Berisha./Panorama.al
